കോഴിക്കോട് ഇഎംഎസ് കോർപറേഷൻ സ്റ്റേഡിയത്തിൽ വെച്ച് നടക്കുന്ന എഴുപത്തിയാറാമത് സന്തോഷ് ട്രോഫി ഗ്രൂപ്പ് രണ്ടിലെ ഏഴാം മത്സരത്തിൽ ബീഹാറിനെതിരെ മിസോറം വിജയിച്ചു. ഒന്നിനെതിരെ മൂന്ന് ഗോളുകൾക്ക് ആയിരുന്നു മിസോറാമിന്റെ വിജയം. തുടക്കത്തിൽ രണ്ടാം മിനുട്ടിൽ വാൻലാലിലൂടെ മിസോറാം മുന്നിൽ എത്തി. ഈ ഗോളിന് 33ആം മിനുട്ടിൽ മുന്ന മന്ദിയിലൂടെ ബിഹാർ മറുപടി നൽകി.
രണ്ടാം പകുതിയിൽ കളി തീർത്തും മിസോറാമിന്റെ കയ്യിലായി. ലാൽഹിയക്ഡികയുടെ ഇരട്ട ഗോളുകൾ അവർക്ക് വിജയവും നൽകി. അടുത്ത കളിയിൽ വൈകീട്ട് 3 30 മണിക്ക് കേരളം ആന്ധ്രയെ നേരിടും.
