ശ്രീ കണ്ടീരവ സ്റ്റേഡിയത്തിൽ നടന്ന ഇന്ത്യൻ സൂപ്പർ ലീഗ് (ഐഎസ്എൽ) 2024-25 സെമിഫൈനലിന്റെ ആദ്യ പാദത്തിൽ ബെംഗളൂരു എഫ്‌സി എഫ്‌സി ഗോവയെ 2-0 ന് പരാജയപ്പെടുത്തി.
42-ാം മിനിറ്റിൽ വില്യംസിനെ ലക്ഷ്യമാക്കി എഡ്ഗർ മെൻഡസ് നൽകിയ ക്രോസ് എഫ്‌സി ഗോവ പ്രതിരോധ താരം സന്ദേശ് ജിങ്കൻ സ്വന്ത മ്വലയിലേക്ക് തിരിച്ചുവിട്ടതോടെയാണ് ബെംഗളൂരു ഇന്ന് ലീഡ് എടുത്തത്. 51-ാം മിനിറ്റിൽ മെൻഡസിന്റെ ലളിതമായ ഫിനിഷ് ലീഡ് ഇരട്ടിയാക്കി.
അവസാന ഘട്ടത്തിൽ എഫ്‌സി ഗോവ ഒരു തിരിച്ചുവരവിനായി ശ്രമിച്ചു, 76-ാം മിനിറ്റിൽ ആകാശ് സാങ്‌വാൻ ഒനൈന്ത്യയ്ക്ക് ഒരു പിൻ‌പോയിന്റ് ക്രോസ് നൽകി, പക്ഷേ ഡിഫൻഡർക്ക് ക്ലോസ് റേഞ്ചിൽ നിന്നുള്ള ഹെഡ്ഡർ ലക്ഷ്യത്തിൽ എത്തിക്കാൻ ആയില്ല. ഞായറാഴ്ച ഗോവയിൽ രണ്ടാം പാദ സെമി നടക്കും.
