ബാഴ്സലോണയുടെ യുവ മിഡ്ഫീൽഡർ ഗവിക്ക് കാൽമുട്ടിന് ശസ്ത്രക്രിയയെ തുടർന്ന് അഞ്ച് മാസം വരെ കളിക്കളത്തിൽ നിന്ന് വിട്ടുനിൽക്കേണ്ടിവരുമെന്ന് ക്ലബ് അറിയിച്ചു. വലത് കാൽമുട്ടിലെ മെനിസ്കസ് പരിക്ക് ഭേദമാക്കാൻ വേണ്ടിയാണ് 21-കാരൻ ആർത്രോസ്കോപ്പിക്ക് വിധേയനായത്. തുടർ ചികിത്സയിലൂടെ പരിക്ക് ഭേദമാക്കാൻ ശ്രമിച്ചെങ്കിലും വേദന കൂടിയതുകൊണ്ട് ശസ്ത്രക്രിയ അനിവാര്യമായി.
2026-ന്റെ തുടക്കത്തിൽ മാത്രമേ ഗാവിക്ക് ടീമിലേക്ക് മടങ്ങിയെത്താൻ കഴിയൂ. 2023-ൽ ഇതേ കാൽമുട്ടിലെ ക്രൂഷ്യേറ്റ് ലിഗമെൻ്റിന് പരിക്കേറ്റതിനെത്തുടർന്ന് ഗാവിക്ക് ദീർഘകാലം പുറത്തിരിക്കേണ്ടിവന്നിരുന്നു. വീണ്ടും ഗാവിക്ക് പരിക്കേറ്റത് ബാഴ്സലോണയ്ക്കും സ്പെയിനിനും ഒരുപോലെ കനത്ത തിരിച്ചടിയാണ്.
താരത്തിൻ്റെ അഭാവം ബാഴ്സയുടെ മധ്യനിരയിലെ താരങ്ങളുടെ കുറവ് വ്യക്തമാക്കുന്നു. കൂടാതെ, 2026-ലെ ലോകകപ്പിന് സ്പെയിൻ തയ്യാറെടുക്കുന്ന വേളയിൽ ഗാവിയുടെ പരിക്ക് ടീമിന് വലിയ ആശങ്കയുണ്ടാക്കുന്നു.
