ഇന്ന് നടന്ന ലാ ലിഗ മത്സരത്തിൽ അത്ലറ്റിക്കോ മാഡ്രിഡ് മെട്രോപൊളിറ്റാനോയിൽ ഒസാസുനയെ 1-0 ന് പരാജയപ്പെടുത്തി ലീഗിൽ ഒന്നാം സ്ഥാനം കരസ്ഥമാക്കി. രണ്ടാം പകുതിയിൽ ഹൂലിയൻ അൽവാരസിൻ്റെ നിർണായക സ്‌ട്രൈക്ക് ഡീഗോ സിമിയോണിയുടെ ടീമിന് വിജയം ഉറപ്പിച്ചു നൽകി. അവരുടെ ക്ലബ്-റെക്കോർഡ് വിജയ പരമ്പര എല്ലാ മത്സരങ്ങളിലുമായി 14 ഗെയിമുകളായി ഇത് വർദ്ധിപ്പിച്ചു.
ആദ്യ പകുതിയിൽ പരിമിതമായ അവസരങ്ങൾ മാത്രമാണ് മത്സരത്തിൽ കണ്ടത്. 55-ാം മിനിറ്റിൽ ആയിരുന്നു ആൽവരസിന്റെ ഗോൾ. സീസണിലെ തൻ്റെ പതിമൂന്നാം ഗോളാണ് താരം ഇന്ന് നേടിയത്.
വിജയം അത്‌ലറ്റിക്കോയെ ലീഗ് സ്റ്റാൻഡിംഗിൽ റയൽ മാഡ്രിഡിനേക്കാൾ മുന്നിലെത്തിക്കുന്നു. 19 മത്സരങ്ങളിൽ നിന്ന് 44 പോയിന്റ് ആണ് അത്ലറ്റിക്കോയ്ക്ക് ഉള്ളത്‌. രണ്ടാമതുള്ള റയൽ മാഡ്രിഡ് 43 പോയിന്റിലും നിൽക്കുന്നു.
