അറ്റലാന്റ റോമയെ 2-1ന് തോൽപ്പിച്ച് അടുത്ത സീസണിലെ ചാമ്പ്യൻസ് ലീഗിൽ തങ്ങളുടെ സ്ഥാനം ഉറപ്പിച്ചു. ഈ വിജയത്തോടെ അവർ സീരി എയിൽ ആദ്യ നാലിൽ ഇടം നേടി.
ആതിഥേയരായ അറ്റലാന്റയ്ക്ക് തുടക്കത്തിൽ തന്നെ അഡെമോള ലുക്ക്മാൻ ലീഡ് നൽകി. എന്നാൽ 32-ാം മിനിറ്റിൽ മുൻ അറ്റലാന്റ താരം ബ്രയൻ ക്രിസ്റ്റന്റെ ഒരു ഹെഡ്ഡറിലൂടെ റോമ സമനില നേടി. പിന്നീട് 76-ാം മിനിറ്റിൽ ഇബ്രാഹിം സുലെമാന നേടിയ ഗോളിലൂടെ അറ്റലാന്റ വിജയം ഉറപ്പിച്ചു. ഈ തോൽവി റോമയുടെ 19 മത്സരങ്ങളിലെ അപരാജിത കുതിപ്പിന് വിരാമമിട്ടു.
ഈ വിജയത്തോടെ അറ്റലാന്റ അഞ്ചാം സ്ഥാനത്തുള്ള ലാസിയോയെക്കാൾ ഏഴ് പോയിന്റ് മുന്നിലാണ്. ഇനിയും രണ്ട് മത്സരങ്ങൾ ശേഷിക്കെ ആണ് അവർ ചാമ്പ്യൻസ് ലീഗ് യോഗ്യത ഉറപ്പിച്ചത്. അതേസമയം, ലാസിയോക്കും യുവന്റസിനും ഒരു പോയിന്റ് പിന്നിലുള്ള റോമയ്ക്ക് ചാമ്പ്യൻസ് ലീഗ് യോഗ്യത നേടുക എന്നത് കഠിനമായ ദൗത്യമാണ്. അടുത്ത മത്സരത്തിൽ എസി മിലാനെ ആണ് റോമ നേരിടേണ്ടത്‌.
