പ്രീമിയർ ലീഗ് കിരീട പോരാട്ടത്തിൽ ആഴ്സണലിന് വലിയ തിരിച്ചടി. അവർ ഇന്ന് സ്വന്തം ഹോം ഗ്രൗണ്ടിൽ വെസ്റ്റ് ഹാമിനോട് പരാജയം ഏറ്റുവാങ്ങി. ഇന്ന് എതിരില്ലാത്ത ഒരു ഗോളിനായിരുന്നു വെസ്റ്റ് ഹാമിന്റെ വിജയം. ഈ ഫലം ലിവർപൂളിന്റെ കിരീടത്തിലേക്കുള്ള യാത്ര സുഖമമാക്കും.
ഇന്ന് ആദ്യ പകുതിയുടെ അവസാനം 44ആം മിനുറ്റിൽ ജെറാഡ് ബോവനിലൂടെ ആണ് വെസ്റ്റ് ഹാം ലീഡ് എടുത്തത്. രണ്ടാം പകുതിയിൽ ആഴ്സണൽ സമനിലക്ക് ആയി പൊരുതവെ അവരുടെ യുവതാരം ലൂയിസ് സ്കെല്ലി 64ആം മിനുറ്റിൽ ചുവപൊ കാർഡ് കണ്ട് മടങ്ങി. ഇതോടെ ആഴ്സണൽ 10 പേരായി ചുരുങ്ങി.
ആഴ്സണൽ അവസാന നിമിഷം വരെ പൊരുതി നോക്കി എങ്കിലും പരാജയം ഒഴിവാക്കാൻ അവർക്ക് ആയില്ല. ഈ പരാജയത്തോടെ ആഴ്സണൽ 26 മത്സരങ്ങളിൽ നിന്ന് 53 പോയിന്റിൽ നിൽക്കുകയാണ്. ഒന്നാമതുള്ള ലിവർപൂളിനെക്കാൾ 8 പോയിന്റ് പിറകിലാണ് അവർ.
