ഊഹാപോഹങ്ങൾക്ക് വിരാമമിട്ട് ആഴ്സണൽ പരിശീലകൻ ആർട്ടെറ്റ ക്ലബിൽ പുതിയ മൂന്ന് വർഷത്തെ കരാർ ഒപ്പുവെച്ചു. 2019 ഡിസംബറിൽ ക്ലബ്ബിൻ്റെ ചുമതലയേറ്റ അർട്ടെറ്റ, തൻ്റെ കരാറിൻ്റെ അവസാന വർഷത്തിലേക്ക് പ്രവേശിച്ചിരുന്നു. ഇത് അദ്ദേഹത്തിൻ്റെ ഭാവിയെക്കുറിച്ചുള്ള ആശങ്കകൾക്ക് കാരണമായി. പ്രീമിയർ ലീഗിൽ തുടർച്ചയായി രണ്ടാം സ്ഥാനത്തെത്തിയതോടെ ആർട്ടെറ്റയെ നിലനിർത്താൻ തന്നെ ആഴ്സണൽ തീരുമാനിക്കുക ആയിരുന്നു.
പുതിയ കരാർ 2027 വരെ ആർടെറ്റയെ ആഴ്സണലിൽ നിലനിർത്തും. ടോട്ടൻഹാമിനെതിരെ വരാനിരിക്കുന്ന നോർത്ത് ലണ്ടൻ ഡെർബിക്ക് മുമ്പായി ഈ ഒരു വാർത്ത ആഴ്സണൽ ആരാധകർക്ക് സന്തോഷം നൽകും.