എഫ്‌സി ബാഴ്സലോണയുടെ ഡാനിഷ് സെൻട്രൽ ഡിഫൻഡറായ ആൻഡ്രിയാസ് ക്രിസ്റ്റൻസന് വീണ്ടും പരിക്ക്. ഇന്നത്തെ പരിശീലന സെഷനിൽ വലതു കാലിൽ താരത്തിന് പരിക്കേറ്റതായി ക്ലബ് അറിയിച്ചു. ഈ പരിക്ക് ഏകദേശം മൂന്ന് ആഴ്ചത്തേക്ക് അദ്ദേഹത്തെ പുറത്തിരുത്തും.
അക്കില്ലസ് ടെൻഡോൺ പ്രശ്‌നം കാരണം നിരവധി മാസങ്ങളായി കളിക്കളത്തിൽ നിന്ന് വിട്ടുനിന്ന ക്രിസ്റ്റൻസൺ അടുത്തിടെയാണ് തിരികെയെത്തിയത്. ഈ പുതിയ പരിക്ക് അദ്ദേഹത്തിന്റെ സ്ഥിതി കൂടുതൽ സങ്കീർണ്ണമാക്കുന്നു. ബാഴ്‌സലോണ വിടാൻ അദ്ദേഹം ശ്രമിക്കുന്നതിന് ഇടയിലാണ് പരിക്ക് തിരിച്ചടിയാകുന്നത്.
