ജനുവരി ട്രാൻസ്ഫർ വിൻഡോ അവസാനിക്കാൻ ഒരാഴ്ച മാത്രം ബാക്കിയിരിക്കെ മാർക്കസ് റാഷ്ഫോർഡ് എങ്ങോട്ട് എന്നതിൽ അനിശ്ചിതത്വം തുടരുകയാണ്. ഈ കാര്യത്തിൽ തനിക്ക് ഒരു ഉത്തരം ഇപ്പോൾ നൽകാൻ ആകില്ല എന്ന് മാഞ്ചസ്റ്റർ യുണൈറ്റഡ് പരിശീലകൻ അമോറിം പറഞ്ഞു.
ഡിസംബറിൽ ടീമിൽ നിന്ന് പുറത്തായ റാഷ്ഫോർഡ് അവസാന 10 മത്സരങ്ങളിൽ മാഞ്ചസ്റ്റർ യുണൈറ്റഡിനായി കളിച്ചിട്ടില്ല. എ സി മിലാൻ, ബാഴ്‌സലോണ, ബൊറൂസിയ ഡോർട്ട്മുണ്ട്, ചെൽസി തുടങ്ങിയ ക്ലബ്ബുകളുമായി താരം ചർച്ച നടത്തി എങ്കിലും താരത്തിന്റെ ഭാവി ഇപ്പോഴും അനിശ്ചിതത്വത്തിലാണ്.
റാഷ്ഫോർഡിന്റെ ഭാവി എന്തെന്ന് അറിയാൻ ട്രാൻസ്ഫർ വിൻഡോ അവസാനിക്കുന്നത് വരെ കാത്തിരിക്കൂ എന്ന് അമോറിം പറഞ്ഞു. ഇനി 8 ദിവസം കൂടെയല്ലേ ഉള്ളൂ എന്നും അതു കഴിഞ്ഞ് ഉത്തരങ്ങൾ നൽകാം എന്നും അമോറിം പറഞ്ഞു.
