ഒരു ചെറിയ ഇടവേളക്ക് ശേഷം അൽ നസർ വിജയ വഴിയിലേക്ക് തിരികെയെത്തി. ഇന്ന് ലീഗ് മത്സരത്തിൽ അൽ റയെദിനെ നേരിട്ട അൽ നസർ എതിരില്ലാത്ത നാലു ഗോളുകൾക്കാണ് വിജയിച്ചത്. ക്രിസ്റ്റ്യാനോ റൊണാൾഡോയും ഇന്ന് ഗോൾ കണ്ടെത്തി. മത്സരത്തിന്റെ നാലാം മിനുട്ടിൽ തന്നെ റൊണാൾഡോ ഇന്ന് ഗോൾ നേടി. റൊണാൾഡോ അൽ നസറിൽ എത്തിയ ശേഷമുള്ള പതിനാലാം ഗോളായിരുന്നു ഇത്. 55ആം മിനുട്ടിൽ ഖരീബിലൂടെ അൽ നസർ ലീഡ് ഇരട്ടിയാക്കി.
മത്സരത്തിന്റെ അവസാനം ഇഞ്ച്വറി ടൈമിൽ മാരനും അൽ സുലൈഹീമും കൂടെ ഗോൾ നേടിയതോടെ അൽ നസർ വിജയം പൂർത്തിയായി. ഈ വിജയത്തോടെ അൽ നസർ 56 പോയിന്റുമായി ലീഗിൽ രണ്ടാമത് നിൽക്കുകയാണ്. ഒന്നമാതുള്ള ഇത്തിഹാദിനെക്കാൾ മൂന്ന് പോയിന്റ് പിറകിലാണ് ഇപ്പോഴും അൽ നസർ നിൽക്കുന്നത്‌.
