സൗദി ഭീമന്മാരായ അൽ ഹിലാൽ, ലിവർപൂൾ സ്‌ട്രൈക്കർ ഡാർവിൻ ന്യൂനസിനെ ഈ സമ്മർ ട്രാൻസ്ഫർ വിൻഡോയിലെ തങ്ങളുടെ പ്രധാന ലക്ഷ്യമായി തിരഞ്ഞെടുത്തതായി അത്ലറ്റിക് റിപ്പോർട്ട് ചെയ്യുന്നു. നേരത്തെ ഒസിമെൻ, അലക്സാണ്ടർ ഇസാക്ക്, ബെഞ്ചമിൻ സെസ്‌കോ, ബ്രൂണോ ഫെർണാണ്ടസ് എന്നിവരെ ടീമിലെത്തിക്കാൻ അൽ ഹിലാൽ ശ്രമിച്ചിരുന്നു. എന്നാൽ ന്യൂനസ് സൗദിയിലേക്ക് നീങ്ങാൻ തയ്യാറാണെന്നാണ് റിപ്പോർട്ട്.
ലിവർപൂളിന് ഇതുവരെ ഔദ്യോഗിക ഓഫറൊന്നും ലഭിച്ചിട്ടില്ലെങ്കിലും, ന്യൂനസിനെ സ്വന്തമാക്കാനുള്ള ഒരുക്കങ്ങൾ അൽ ഹിലാൽ തുടങ്ങിയിട്ടുണ്ട്. 2022-ൽ ബെൻഫിക്കയിൽ നിന്ന് €100 മില്യൺ വരെ ട്രാൻസ്ഫർ തുകക്ക് ലിവർപൂളിൽ ചേർന്ന 26-കാരനായ ഈ ഉറുഗ്വേൻ താരം ലിവർപൂളിൽ ഫോം കണ്ടെത്താൻ പ്രയാസപ്പെട്ടിരുന്നു.
കഴിഞ്ഞ സീസണിൽ 47 മത്സരങ്ങളിൽ നിന്ന് ഏഴ് ഗോളുകൾ മാത്രമാണ് നുനസ് നേടിയത്. കൂടാതെ പ്രീമിയർ ലീഗിൽ എട്ട് മത്സരങ്ങളിൽ മാത്രമാണ് നുനസ് ആദ്യ ഇലവനിൽ ഇടം നേടിയത്.
