യൂറോ കപ്പ് യോഗ്യത റൗണ്ടിൽ നെതർലാന്റ്സിന് നിർണായക വിജയം. ഗ്രീസിനെ നേരിട്ട നെതർലന്റ്സ് അവസാന നിമിഷ ഗോളിന്റെ ബലത്തിൽ 1-0ന്റെ വിജയമാണ് സ്വന്തമാക്കിയത്‌. അധികം അവസരങ്ങൾ ഇരുഭാഗത്തും പിറക്കാതിരുന്ന മത്സരത്തിൽ 93ആം മിനുട്ടിൽ ഒരു പെനാൾട്ടി ആണ് ഹോളണ്ടിന്റെ രക്ഷയ്ക്ക് എത്തിയത്‌. വാൻ ഡൈക് ആ പെനാൾട്ടി ലക്ഷ്യത്തിൽ എത്തിച്ചു.
ഈ വിജയത്തോടെ നെതർലന്റ്സിന് 6 മത്സരങ്ങളിൽ നിന്ന് 12 പോയിന്റുമായി അവർ രണ്ടാം സ്ഥാനത്താണ്‌. 7 മത്സരങ്ങളിൽ നിന്ന് 12 പോയിന്റുനായി ഗ്രീസ് മൂന്നാം സ്ഥാനത്താണ്‌.
