ഇംഗ്ലണ്ടിനായി ആഷസിലെ അവസാന ടെസ്റ്റില്‍ അരങ്ങേറ്റം കുറിച്ച മേസണ്‍ ക്രെയിനിനു കന്നി വിക്കറ്റ്. 171 റണ്‍സ് നേടി ഓസ്ട്രേലിയയെ പ്രതിസന്ധി ഘട്ടത്തില്‍ നിന്ന് കരകയറ്റിയ ഉസ്മാന്‍ ഖ്വാജയാണ് മേസണ്‍ ക്രെയിനിന്റെ ആദ്യ ടെസ്റ്റ് വിക്കറ്റായി മാറിയത്. ഖ്വാജ പുറത്താകുമ്പോള്‍ സിഡ്നി ടെസ്റ്റില്‍ ഒന്നാം ഇന്നിംഗ്സ് ലീഡ് ഓസ്ട്രേലിയ നേടിക്കഴിഞ്ഞിരുന്നു. ബൈയര്‍സ്റ്റോ സ്റ്റംപ് ചെയ്താണ് ഖ്വാജ പുറത്തായത്.
റിപ്പോര്‍ട്ട് പ്രസിദ്ധീകരിക്കുമ്പോള്‍ 32 ഓവറുകളാണ് ക്രെയിന്‍ എറിഞ്ഞത്. 108 റണ്‍സ് വഴങ്ങിയാണ് ഒരു വിക്കറ്റ് സ്വന്തമാക്കാന്‍ താരത്തിനായത്.
കൂടുതൽ കായിക വാർത്തകൾക്ക് : www.facebook.com/FanportOfficial
