ചാമ്പ്യൻസ് ലീഗ് റെക്കോർഡുമായി മെസ്സി, പിഎസ്ജിക്ക് സമനില

ചാമ്പ്യൻസ് ലീഗിൽ പിഎസ്ജിക്ക് സമനില. ലയണൽ മെസ്സിയുടെ വിന്റേജ് ഗോൾ മത്സരത്തിൽ ഒരു പിഎസ്ജി സെൽഫ് ഗോളിലൂടെ ബെൻഫിക്ക സമനില പിടിച്ചു. എൻസോ ഫെർണാണ്ടസിന്റെ ക്രോസ് സ്വന്തം പോസ്റ്റിലേക്ക് ഡാനിലോ ഹെഡ് ചെയ്തതാണ് പിഎസ്ജിക്ക് വിനയായത്. ഇതോട് കൂടി ഗ്രൂപ്പ് എച്ചിൽ ഇരു ടീമുകൾക്കും മൂന്ന് കളികളിൽ നിന്നും ഏഴ് പോയന്റാണ് ഇപ്പോളുള്ളത്‌.

 

കളിയിടെ 22ആം മിനുട്ടിൽ വിന്റേജ് മെസ്സി ഗോളിലൂടെ പിഎസ്ജി മുന്നിലെത്തി. നെയ്മർ- എമ്പപ്പെ -മെസ്സി ത്രയത്തിന്റെ ഫുട്ബോൾ മാജിക്കിലൂടെ മികച്ചൊരു ഗോൾ പിറന്നു. മെസ്സിയുടെ കർളിംഗ് ഷോട്ടിന് വഴിയൊരുക്കിയത് നെയ്മർ ജൂനിയറാണ്. ഇതോട് കൂടി മെസ്സി ചാമ്പ്യൻസ് ലീഗിൽ 40 വ്യത്യസ്ത ടീമുകൾക്കെതിരെ ഗോളടിക്കുന്ന ആദ്യ താരമായി മാറി.

Img 20221006 023159

കളിയുടെ രണ്ടാം പകുതിയിൽ പിഎസ്ജി ശക്തമായ തിരിച്ച് വരവിന് ശ്രമിച്ചിരുന്നു. അൻപതാം മിനുട്ടിൽ നെയ്മറിന്റെ ഷോട്ട് ബാറിൽ തട്ടിത്തെറിച്ചു. ഹക്കികിയും എമ്പപ്പെയും ഗോളിനായി ശ്രമിച്ചെങ്കിലും ഫലം കണ്ടില്ല. ബെൻഫിക്കക്ക് വേണ്ടി ഓട്ടോമെന്തിക്ക് സുവർണാവസരം ലഭിച്ചെങ്കിലും ഫലം കണ്ടില്ല. ഇനി ഇരു ടീമുകളും പാരീസിൽ വെച്ച് ഏറ്റുമുട്ടും.