2019 ഏകദിന ലോകകപ്പ് ഓള്‍റൗണ്ടര്‍മാര്‍ തിളങ്ങുന്ന ഒന്നായിരിക്കുമെന്ന് അഭിപ്രായപ്പെട്ട് ക്ലൈവ് ലോയഡ്. ബൗളര്‍മാരുടെ ലോകകപ്പാണോ എന്ന ചോദ്യത്തിനാണ് താരം പറഞ്ഞത്. ഈ ലോകകപ്പ് ഓള്‍റൗണ്ടര്‍മാരുടെ ലോകകപ്പാണെന്നാണ് മുന്‍ വിന്‍ഡീസ് താരവും രണ്ട് തവണ ലോകകപ്പ് ജേതാവുമായി ഈ ഇതിഹാസ താരം വ്യക്തമാക്കിയത്.
ഫ്ലാറ്റ് ട്രാക്കുകളില്‍ ബൗളര്‍മാര്‍ക്ക് കാര്യങ്ങള്‍ പ്രതികൂലമാകും എന്നാല്‍ ഓള്‍റൗണ്ടര്‍മാര്‍ തിളങ്ങുമെന്നാണ് തനിക്ക് തോന്നുന്ന്. ഓരോ ടീമുകളിലും ലോകോത്തര ഓള്‍റൗണ്ടര്‍മാരുണ്ടെന്നാണ് വിന്‍ഡീസ് ഇതിഹാസം പറഞ്ഞത്. താന്‍ ശക്തമായി വിശ്വസിക്കുന്നത് ഇത് ഓള്‍റൗണ്ടര്‍മാരുടെ ലോകകപ്പാകുമെന്നാണെന്നും ക്ലൈവ് ലോയഡ് അഭിപ്രായപ്പെട്ടു.
