യുപി യോദ്ധയെ 34-29 എന്ന സ്കോറിനു പരാജയപ്പെടുത്തി തെലുഗു ടൈറ്റന്‍സ്. രാഹുല്‍ ചൗധരി(11), അബോസാര്‍ മിഗാനി(6), നിലേഷ് സാലുങ്കേ(5) എന്നിവരുടെ മികവിലാണ് ടൈറ്റന്‍സ് വിജയം നേടിയത്. പകുതി സമയത്ത് 18-13നു തെലുഗു ടൈറ്റന്‍സ് ലീഡ് ചെയ്യുകയായിരുന്നു. യുപിയ്ക്കായി 11 പോയിന്റുമായി പ്രശാന്ത് കുമാര്‍ റായ്, 7 പോയിന്റ് നേടിയ ഋഷാംഗ ദേവഡിഗ എന്നിവരാണ് തിളങ്ങിയത്.
റെയിഡിംഗില്‍ ഇരു ടീമുകളും ഒപ്പം നിന്നപ്പോള്‍ ഒരു പോയിന്റിന്റെ നേരിയ ലീഡ് മാത്രമാണ് തെലുഗു ടൈറ്റന്‍സിനു നേടാനായത്. എന്നാല്‍ ടാക്കിള്‍ പോയിന്റില്‍ 15-11 എന്ന സ്കോറിനു ടൈറ്റന്‍സ് വ്യക്തമായ മുന്‍തൂക്കം നേടി. മത്സരത്തില്‍ ആരും തന്നെ ഓള്‍ഔട്ട് ആയില്ല. 2 പോയിന്റ് വീതം അധിക പോയിന്റായി ഇരു ടീമുകളും നേടുകയും ചെയ്തു.
