ഓസ്ട്രേലിയന്‍ ടെസ്റ്റ് പരമ്പരയ്ക്കായുള്ള ടീമിലെ പരിക്കേറ്റ് നാട്ടിലേക്ക് മടങ്ങിയ പേസ് ബൗളര്‍മാര്‍ക്ക് പകരക്കാരെ പ്രഖ്യാപിച്ച് ശ്രീലങ്ക. ക്രിക്കറ്റ് ഓസ്ട്രേലിയയ്ക്കെതിരെ നടന്ന സന്നാഹ മത്സരത്തില്‍ പരിക്കേറ്റ് നുവാന്‍ പ്രദീപും ഗാബയിലെ ഒന്നാം ടെസ്റ്റിനിടെ പരിക്കേറ്റ ലഹിരു കുമരയ്ക്കും പകരക്കാരെയാണ് ഇപ്പോള്‍ ലങ്ക പ്രഖ്യാപിച്ചിരിക്കുന്നത്.
ചമിക കരുണാരത്നേ, അസിത ഫെര്‍ണാണ്ടോ എന്നിവരാണ് ഓസ്ട്രേലിയയിലേക്ക് പറക്കുക. ആദ്യ ടെസ്റ്റില്‍ ലങ്കയ്ക്ക് ദയനീയ പരാജയം ഏറ്റു വാങ്ങേണ്ടി വന്നിരുന്നു.
