ഇന്ത്യ ഓപ്പണ്‍ ബാഡ്മിന്റണിന്റെ ഫൈനലിലേക്ക് യോഗ്യത നേടി ശ്രീകാന്ത് കിഡംബി. സെമി ഫൈനലില്‍ ചൈനയുടെ യൂസിയാംഗ് ഹുവാംഗിനെതിരെ മൂന്ന് ഗെയിം പോരാട്ടത്തിലാണ് കിഡംബിയുടെ ജയം. ആദ്യ ഗെയിം കൈവിട്ട ശേഷമാണ് കിഡംബി ഫൈനലിലേക്ക് യോഗ്യത നേടിയത്. 16-21, 21-14, 21-19 എന്ന സ്കോറിനു 63 മിനുട്ട് നീണ്ട പോരാട്ടത്തിനു ശേഷമാണ് കിഡംബിയുടെ ജയം.
എച്ച് എസ് പ്രണോയിയെ ക്വാര്‍ട്ടറില്‍ വീഴ്ത്തിയെത്തിയ ഡെന്മാര്‍ക്കിന്റെ അക്സെല്‍സെന്നിനു മുന്നില്‍ ഇന്ത്യയുടെ പാരുപ്പള്ളി കശ്യപിനും പരാജയം. ഇന്ന് നടന്ന സെമി പോരാട്ടത്തില്‍ അക്സെല്‍സെന്ന് നേരിട്ടുള്ള ഗെയിമുകളില്‍ കശ്യപിനെ പരാജയപ്പെടുത്തി. 43 മിനുട്ട് മാത്രം നീണ്ട് നിന്ന മത്സരത്തില്‍ 11-21, 17-21 എന്ന സ്കോറിനായിരുന്നു കശ്യപിന്റെ പരാജയം.
