വനിത ടി20 ക്രിക്കറ്റില് ഇന്ത്യയ്ക്കായി ഏറ്റവും വേഗതയേറിയ അര്ദ്ധ ശതകം സ്വന്തമാക്കി സ്മൃതി മന്ഥാന. ഇന്ന് ന്യൂസിലാണ്ടിനെതിരെ തന്റെ അര്ദ്ധ ശതകം 24 പന്തില് നിന്ന് തികച്ചപ്പോളാണ് സ്മൃതി ഈ നേട്ടം കൊയ്തത്. 2018ല് ഇംഗ്ലണ്ടിനെതിരെ 25 പന്തില് നിന്ന് അര്ദ്ധ ശതകം നേടിയ തന്റെ തന്നെ റെക്കോര്ഡാണ് സ്മൃതി ഇന്നത്തെ പ്രകടനത്തിലൂടെ മറികടന്നത്.
ഇന്ത്യയുടെ അഞ്ച് മികച്ച വേഗതയേറിയ ടി20 അര്ദ്ധ ശതകങ്ങളില് നാലും സ്മൃതി മന്ഥാനയുടെ പേരില് തന്നെയാണ്. അര്ദ്ധ ശതകം പൂര്ത്തിയാക്കിയ ശേഷം 58 റണ്സില് സ്മൃതി ഇന്ന് പുറത്താകുകയായിരുന്നു. 34 പന്തുകളാണ് സ്മൃതി തന്റെ ഇന്നിംഗ്സില് നേരിട്ടത്.
