Picsart 22 09 30 18 55 31 138

പ്രീമിയർ ലീഗ് പുരസ്കാരങ്ങൾ തങ്ങളുടേതാക്കി മാഞ്ചസ്റ്റർ യുണൈറ്റഡ്

കഴിഞ്ഞ മാസത്തെ പ്രീമിയർ ലീഗിലെ രണ്ട് പുരസ്കാരങ്ങൾ സ്വന്തമാക്കി മാഞ്ചസ്റ്റർ യുണൈറ്റഡ്. മികച്ച പരിശീലകനുള്ള പുരസ്കാരം യുണൈറ്റഡ് പരിശീലകൻ എറിക് ടെൻ ഹാഗ് സ്വന്തമാക്കിയപ്പോൾ ലീഗിലെ മികച്ച താരമായി മാർക്കസ് റാഷ്ഫോർഡ് മാറി. റാഷ്ഫോർഡ് സെപ്റ്റംബറിൽ 2 ഗോളും 2 അസിസ്റ്റും മാഞ്ചസ്റ്റർ യുണൈറ്റഡിനായി നേടി. ഈ സീസൺ റാഷ്ഫോർഡ് അപാര ഫോമിലാണ് കളിക്കുന്നത്.

എറിക് ടെം ഹാഗ് സെപ്റ്റംബർ യുണൈറ്റഡിന് രണ്ട് പ്രീമിയർ ലീഗ് വിജയങ്ങൾ നൽകിയിരുന്നു. ലീഗിന്റെ തലപ്പത്ത് ഉള്ള ആഴ്സണലിനെയും ലെസ്റ്റർ സിറ്റിയെയും ആണ് മാഞ്ചസ്റ്റർ യുണൈറ്റഡ് സെപ്റ്റംബറിൽ പരാജയപ്പെടുത്തിയത്. ഒലെ ഗണ്ണാർ സോൾഷ്യർ ആയിരുന്നു ഇതിനു മുമ്പ് ഈ പുരസ്കാരം നേടിയ മാഞ്ചസ്റ്റർ യുണൈറ്റഡ് പരിശീലകൻ. 2019 ജനുവരിക്ക് ശേഷം ആദ്യമായാണ് റാഷ്ഫോർഡ് ഈ പുരസ്കാരം നേടുന്നത്.

Exit mobile version