91+ കിലോ വിഭാഗം പുരുഷന്മാരുടെ സൂപ്പര്‍ ഹെവി മത്സരത്തിൽ ഇന്ത്യയുടെ സതീഷ് കുമാറിന് വിജയം. ക്വാര്‍ട്ടര്‍ ഉറപ്പാക്കിയ താരം ഇന്ന് ജമൈക്കയുടെ റിക്കാര്‍ഡോ ബ്രൗണിനെതിരെ 4-1ന്റെ വിജയം നേടുകയായിരുന്നു.
ആദ്യ റൗണ്ടിൽ ഇരു താരങ്ങളും ഒപ്പത്തിനൊപ്പമാണ് നീങ്ങിയതെന്ന് തോന്നിയെങ്കിലും അ‍ഞ്ച് ജഡ്ജുമാരും ഇന്ത്യന്‍ താരത്തിനൊപ്പം നിന്നു. രണ്ടാം റൗണ്ടിൽ 4 ജഡ്ജുമാര്‍ ഇന്ത്യന്‍ താരത്തിനൊപ്പവും ഒരു ജഡ്ജ് ജമൈക്കന്‍ താരത്തിനൊപ്പവും നിന്നു.
മൂന്നാം റൗണ്ടിലും നാല് ജഡ്ജുമാര്‍ സതീഷിനൊപ്പവും ഒരു ജഡ്ജ് റിക്കാര്‍ഡോയ്ക്കും ഒപ്പം നിന്നു. തന്നെക്കാളും കൂടുതൽ കരുത്തനായ എതിരാളിയെ തന്ത്രപൂര്‍വ്വമാണ് സതീഷ് നേരിട്ടത്. ഒരു മത്സരം കൂടി വിജയിച്ചാൽ താരത്തിന് മെഡൽ ഉറപ്പിക്കാം.
