ഒരു വർഷമായി ടെന്നീസ് കോർട്ടിൽ ഇല്ലാതിരുന്ന സാനിയ മിർസ തിരിച്ചുവരവ് വിജയവുമായി ആഘോഷിച്ചു. ഖത്തർ ടോടൽ ഓപണിൽ സാനിയ മിർസയും സ്ലൊവേനിയൻ താരം ആൻഡ്രെജ ക്ലെപാകും ചേർന്ന സഖ്യം ഉക്രൈൻ സഹോദരിമാരായ നാദിയ കുഷെനോക്, ല്യുദ്മില കുഷെനോ സഖ്യത്തെ ആണ് പരാജയപ്പെടുത്തിയത്. 6-4, 6-7(5), 10-5 എന്ന സ്കോറിനായിരുന്നു സാനിയ സഖ്യത്തിന്റെ വിജയം.
കഴിഞ്ഞ വർഷം ഫെബ്രുവരിയിൽ ദോഹ ഓപ്പൺ കളിച്ച ശേഷം കൊറോണ കാരണം പിന്നെ സാനിയ കളത്തിൽ ഇറങ്ങിയിരുന്നില്ല. ഈ ജനുവരിയിൽ സാനിയക്കും കൊറോണ ബാധിച്ചിരുന്നു.
