ഈ സീസണിൽ പ്രീമിയർ ലീഗിൽ നിന്നു തരം താഴ്ത്തൽ നേരിട്ട സൗതാപ്റ്റൺ തങ്ങളുടെ പുതിയ പരിശീലകൻ ആയി റസൽ മാർട്ടിനെ നിയമിച്ചു. മൂന്നു വർഷത്തേക്ക് ആണ് വെൽഷ് ക്ലബ് സ്വാൻസി സിറ്റി പരിശീലകൻ ആയ അദ്ദേഹത്തെ അവർ പരിശീലകൻ ആയി കൊണ്ടു വന്നത്. 37 കാരനായ റസൽ മാർട്ടിൻ മുൻ എം.കെ ഡോൺസ് പരിശീലകൻ കൂടിയാണ്.
നീണ്ട 11 വർഷങ്ങൾക്ക് ശേഷം ആദ്യമായി ആണ് ഈ സീസണിൽ സെയിന്റ്സ് തരം താഴ്ത്തൽ നേരിട്ടത്. അതിനാൽ തന്നെ എത്രയും പെട്ടെന്ന് പ്രീമിയർ ലീഗിൽ തിരിച്ചു എത്താൻ ആണ് അവരുടെ ശ്രമം. ഇത്രയും ചരിത്രമുള്ള ക്ലബിന്റെ പരിശീലകൻ ആയതിൽ അഭിമാനം ഉണ്ടെന്നു പറഞ്ഞ റസൽ മാർട്ടിൻ ക്ലബിനെ അത് അർഹിക്കുന്ന പ്രീമിയർ ലീഗിൽ തിരികെ എത്തിക്കുന്നത് ആണ് തന്റെ ലക്ഷ്യം എന്നും പ്രഖ്യാപിച്ചു.
