ഇന്തോനേഷ്യയുടെ ഗ്രിഗോറിയ മരിസ്കയെ നേരിട്ടുള്ള ഗെയിമുകളില് പരാജയപ്പെടുത്തി ഇന്ത്യയുടെ സൈന നെഹ്വാല് ഡെന്മാര്ക്ക് ഓപ്പണ് ഫൈനലില്. 30 മിനുട്ട് നീണ്ട പോരാട്ടത്തിനൊടുവിലാണ് ഇന്ത്യന് താരത്തിന്റെ ജയം. സ്കോര്: 21-11, 21-12.
ഫൈനലില് തായ്വാന് താരം സു യിംഗ് തായി ആണ് സൈനയുടെ എതിരാളി. ചൈനീസ് താരം ഹി ബിംഗ്ജിയാവോയെ 21-14, 21-12 എന്ന സ്കോറിനു നേരിട്ടുള്ള ഗെയിമില് പരാജയപ്പെടുത്തിയാണ് തായിയുടെ വിജയം.
