റൊണാൾഡോയുടെ യുവന്റസിലേക്കുള്ള ട്രാൻസ്ഫറുടെ റയൽ മാഡ്രിഡിന്റെ ശക്തി കുറച്ചെന്ന് ബാഴ്സലോണ സൂപ്പർ താരം ലയണൽ മെസ്സി. സ്പാനിഷ് റേഡിയോക്ക് അനുവദിച്ച അഭിമുഖത്തിലാണ് റൊണാൾഡോയുടെ ട്രാൻസ്ഫറിനെ കുറിച്ച് മെസ്സി പ്രതികരണം അറിയിച്ചത്.
“റയൽ മാഡ്രിഡ് ലോകത്തിലെ മികച്ച ടീമുകളിൽ ഒന്നാണ്, മികച്ച കളിക്കാരും അവർക്കുണ്ട്, പക്ഷെ റൊണാൾഡോയുടെ ട്രാൻസ്ഫർ അവരുടെ ശക്തി ചെറുതായി ക്ഷയിപ്പിച്ചു. റൊണാൾഡോയുടെ വരവോടെ യുവന്റസിസ് ചാമ്പ്യൻസ് ലീഗ് ജയിക്കാൻ സാധ്യതയുള്ളവരുടെ പട്ടികയിൽ മുൻപിലെത്തിക്കുകയും ചെയ്തു” മെസ്സി പറഞ്ഞു.
റൊണാൾഡോയുടെ യുവന്റസിലേക്കുള്ള ട്രാൻസ്ഫർ വളരെ ആകസ്മികമായിരുന്നെന്നും താൻ ഒരിക്കലും അത് പ്രതീക്ഷിച്ചിരുന്നില്ലെന്നും മെസ്സി കൂട്ടിച്ചേർത്തു. റയൽ മാഡ്രിഡ് ജേഴ്സിയിൽ അല്ലാതെ റൊണാൾഡോയെ താൻ സങ്കൽപ്പിച്ചിരുന്നില്ലെന്നും മെസ്സി പറഞ്ഞു.
