കേരള ബ്ലാസ്റ്റേഴ്സ് താരം രാഹുൽ കെ പി ക്ലബ് വിട്ടു. ഒഡീഷ എഫ്‌സി 24 കാരനായ രാഹുൽ കെപിയെ സൈൻ ചെയ്തതായി പ്രമുഖ മാധ്യമ പ്രവർത്തകൻ മാർക്കസ് റിപ്പോർട്ട് ചെയ്യുന്നു. രാഹുൽ 2 വർഷത്തെ കരാർ ഒഡീഷയിൽ ഒപ്പുവെച്ചു. കേരള ബ്ലാസ്റ്റേഴ്സിന് ട്രാൻസ്ഫർ ഫീ ലഭിക്കും.
കഴിഞ്ഞ അഞ്ച് സീസണുകളിൽ കേരള ബ്ലാസ്റ്റേഴ്സ് ക്ലബിൻ്റെ പ്രധാന താരമായിരുന്നു രാഹുൽ കെപി. ഈ സീസണിൽ രാഹുൽ ഫോമിൽ എത്തിയില്ല. താരത്തിന് സ്ഥിരമായി അവസരവും ലഭിച്ചിരുന്നില്ല. ഇതാണ് താരം ക്ലബ് വിടുന്നതിനെ കുറിച്ച് ചിന്തിക്കാൻ കാരണം.
