റിയോ ഒളിമ്പിക്സിനു ശേഷം തായി സു യിംഗ് എന്ന കടമ്പ കടക്കാനാകാതെ കഷ്ടപ്പെടുകയായിരുന്നു സിന്ധുവും സൈനയും. ഇപ്പോള്‍ സിന്ധു ആ കടമ്പ മികച്ചൊരു അട്ടിമറി വിജയത്തോടെ സ്വന്തമാക്കുകയായിരുന്നു. വേള്‍ഡ് ടൂര്‍ ഫൈനല്‍സില്‍ 14-21, 21-16, 21-18 എന്ന സ്കോറിനായിരുന്നു സിന്ധുവിന്റെ വിജയം. ആദ്യ ഗെയിം കൈവിട്ട ശേഷമായിരുന്നു സിന്ധുവിന്റെ തിരിച്ചുവരവ്.
കഴിഞ്ഞ ഏഴ് തവണ ഏറ്റുമുട്ടിയപ്പോളും സിന്ധുവിനു തായിയെ മറികടക്കാനായിരുന്നില്ല. 61 മിനുട്ടാണ് ഈ തീപ്പാറുന്ന പോരാട്ടം നീണ്ട് നിന്നത്.
