ജന്തർമന്തറിലെ സമരം നടത്തിയ ഇന്ത്യൻ ഗുസ്തിക്കാർക്ക് എതിരെ വിവാദ പ്രസ്താവനയുമായി പി ടി ഉഷ. ഈ കായിക താരങ്ങളുടെ പ്രതിഷേധം രാജ്യത്തിന്റെ പ്രതിച്ഛായക്ക് മോശം ആണെന്നും തെരുവിലിറങ്ങുന്നതിന് മുമ്പ് അസോസിയേഷനെ സമീപിക്കേണ്ടതായിരുന്നുവെന്നും ഇന്ത്യൻ ഒളിമ്പിക് അസോസിയേഷൻ പ്രസിഡന്റും മുൻ അത്ലറ്റിക്സ് സൂപ്പർതാരവുമായ പി ടി ഉഷ പറഞ്ഞു.
ലൈംഗികാതിക്രമത്തിനും ഭീഷണിപ്പെടുത്തിയതിനും ഗുസ്തി ഫെഡറേഷൻ ഓഫ് ഇന്ത്യ പ്രസിഡൻറ് ബ്രിജ് ഭൂഷൺ ശരൺ സിങ്ങിനെതിരെ നടന്ന പ്രതിഷേധത്തിമെതിരായാണ് പി ടി ഉഷ സംസാരിച്ചത്.
“തെരുവിലേക്ക് പോകുന്നതിനുപകരം, അവർക്ക് നേരത്തെ തന്നെ ഞങ്ങളുടെ അടുത്തേക്ക് വരാമായിരുന്നു, പക്ഷേ അവർ ഐഒഎയിൽ വന്നിട്ടില്ല, ”ഐഒഎയുടെ എക്സിക്യൂട്ടീവ് കമ്മിറ്റി യോഗത്തിന് ശേഷം ഉഷ മാധ്യമപ്രവർത്തകരോട് പറഞ്ഞു.
“കുറച്ച് അച്ചടക്കം വേണം. അവർ ആദ്യം ഞങ്ങളുടെ അടുത്ത് വരണം. ഞങ്ങളുടെ അടുത്തേക്ക് വരുന്നതിന് പകരം അവർ നേരെ തെരുവിലേക്ക് പോയി. അത് സ്പോർട്സിന് ഒട്ടും നല്ലതല്ല,” ഉഷ പറഞ്ഞു.
ഒപ്പം ഉണ്ടായിരുന്ന കല്യാൺ ചൗബെ, പി.ടി. ഉഷ വീണ്ടും വീണ്ടും പറയാൻ ആഗ്രഹിക്കുന്നത്, ഇത്തരത്തിലുള്ള പ്രക്ഷോഭം രാജ്യത്തിന്റെ പ്രതിച്ഛായയ്ക്ക് നല്ലതല്ല എന്നാണ് എന്നും ലോകത്തിലെ അഞ്ചാമത്തെ വലിയ സമ്പദ്വ്യവസ്ഥയാണ് ഇന്ത്യ എന്നും ആഗോളതലത്തിൽ നല്ല പ്രശസ്തി ഉണ്ട് എന്നും ഈ നെഗറ്റീവ് പബ്ലിസിറ്റി രാജ്യത്തിന് നല്ലതല്ല എന്നും പറഞ്ഞു. ഈ പ്രതിഷേധങ്ങൾ രാജ്യത്തിന് നല്ലതല്ല എന്ന് ഉഷയും ആവർത്തിച്ചു.
