സൗഹൃദ മത്സരത്തിൽ സ്കോട്ലൻഡിനെതിരെ പോർച്ചുഗലിന് ഉജ്ജ്വല ജയം. ഒന്നിനെതിരെ മൂന്ന് ഗോളുകൾക്ക് ആയിരുന്നു പോർച്ചുഗലിന്റെ ജയം. ദേശീയ ടീമിൽ ഉൾപെടുത്താതിരുന്ന റൊണാൾഡോയില്ലാതെയാണ് പോർച്ചുഗൽ ഇന്നത്തെ മത്സരത്തിന് ഇറങ്ങിയത്.
പോർച്ചുഗലിന് വേണ്ടി ആദ്യ പകുതി അവസാനിക്കുന്നതിനു തൊട്ട് മുൻപ് റോഡ്രിഗസിന്റെ പാസിൽ നിന്ന് ഹെൽഡർ കോസ്റ്റായാണ് ആദ്യ ഗോൾ നേടിയത്. തുടർന്ന് രണ്ടാം പകുതിയിൽ പകരക്കാരനായി ഇറങ്ങിയ റെനാറ്റോ സാഞ്ചസിന്റെ പാസിൽ നിന്ന് എഡർ ആണ് പോർച്ചുഗലിന്റെ രണ്ടാമത്തെ ഗോൾ നേടിയത്. തുടർന്നാണ് ഫെർണാഡസിന്റെ പാസിൽ നിന്ന് ബ്രൂമ പോർച്ചുഗലിന്റെ മൂന്നാമത്തെ ഗോൾ നേടിയത്.
മത്സരത്തിന്റെ ഇഞ്ചുറി ടൈമിലാണ് നൈസ്മിത്തിലൂടെ സ്കോട്ലൻഡ് ആശ്വാസ ഗോൾ നേടിയത്.മാകെ സ്റ്റീവന്റെ പാസ്സിൽ നിന്നായിരുന്നു നൈസ്മിത്തിന്റെ ഗോൾ.
