കളി മഴ കൊണ്ട് പോയി, ഒരു ജയം പോലും ഇല്ലാതെ പാകിസ്താനും ബംഗ്ലാദേശും ചാമ്പ്യൻസ് ട്രോഫി അവസാനിപ്പിച്ചു

ചാമ്പ്യൻസ് ട്രോഫിയിൽ പാകിസ്താനും ബംഗ്ലാദേശും തമ്മിലുള്ള മത്സരം മഴ മൂലം ഉപേക്ഷിച്ചു. മോശം കാലാവസ്ഥ കാരണം ഇന്ന് ടോസ് പോലും ചെയ്യാൻ ആയില്ല. രണ്ട് ടീമുകൾക്കും ഒരോ പോയിന്റ് വീതം ലഭിക്കും. ഇരു ടീമുകളും ടൂർണമെന്റിൽ നിന്ന് നേരത്തെ തന്നെ പുറത്തായതിനാൽ ഈ മത്സരം നടക്കാത്തത ആരെയും ബാധിക്കില്ല. ഇരു ടീമുകളും ഒരു മത്സരം പോലും ജയിക്കാതെ ആണ് ടൂർണമെന്റിൽ നിന്ന് പുറത്തേക്ക് പോകുന്നത്.