എഫ് സി ഗോവയ്ക്കെതിരെ ഇറങ്ങുന്ന കേരള ബ്ലാസ്റ്റേഴ്സ് ടീമിൽ ഇന്ന് കിസിറ്റോ ഇല്ല. കഴിഞ്ഞ മത്സരത്തിൽ തോളിന് പരിക്കേറ്റ കിസിറ്റോ ഇന്ന് കളിക്കാൻ സാധ്യത ഇല്ലായെന്ന് നേരത്തെ തന്നെ സൂചനകൾ ഉണ്ടായിരുന്നു. കിസിറ്റോ പരിക്കേറ്റ് പുറത്തായപ്പോൾ കഴിഞ്ഞ മത്സരത്തിൽ പരിക്ക് കാരണം കളിക്കാൻ കഴിയാതിരുന്ന റിനോ ആന്റോ ഇന്ന് ആദ്യ ഇലവനിൽ തിരിച്ചെത്തി.
കഴിഞ്ഞ കളിയിൽ ഇറങ്ങി നിറം മങ്ങിയ കിരൺ സാഹ്നേയ്ക്കും സാമുവൽ ശദപിനും ആദ്യ ഇലവനിൽ സ്ഥാനം നഷ്ടമായി. സിയാം ഹാങ്ങലും മിലൻ സിംഗും പെകൂസണുമാണ് ഇന്ന് ബ്ലാസ്റ്റേഴ്സ് മധ്യനിര നിയന്ത്രിക്കുക. വിനീതും ഹ്യൂമും ആകും മുന്നേറ്റ നിരയിൽ. ഗോൾ വല ഈ മത്സരത്തിലും റഹുബക് കാക്കും.
ടീം; പോൾ, റിനോ, ജിങ്കൻ, ബ്രൗൺ, ലാൽറുവത്താര, ജാക്കിചന്ദ്, മിലൻ സിംഗ്, ഹാങൽ, പെകൂസൺ, സികെ വിനീത്, ഇയാൻ ഹ്യൂം
കൂടുതൽ കായിക വാർത്തകൾക്ക് : www.facebook.com/FanportOfficial
