ഐപിഎൽ ലേലത്തിൽ മികച്ച താരങ്ങളെ സ്വന്തമാക്കിയ ഡൽഹി ക്യാപിറ്റൽസ് ലേലം അവസാനിക്കുമ്പോള്‍ ടീമിൽ 24 താരങ്ങളെ ടീമിലേക്ക് എത്തിച്ചു. 10 ലക്ഷം രൂപ ബാക്കിയുള്ള ടീമിന്റെ അവസാന ഏതാനും പിക്കുകള്‍ ദക്ഷിണാഫ്രിക്കന്‍ പേസര്‍ ലുംഗിസാനി എന്‍ഗിഡിയും ന്യൂസിലാണ്ട് വിക്കറ്റ് കീപ്പര്‍ താരം ടിം സീഫെര്‍ട്ടുമാണ്.
എന്‍ഗിഡിയ്ക്കും സീഫെര്‍ട്ടിനും 50 ലക്ഷം വീതം ആണ് ടീം നല്‍കുന്നത്. ജൂനിയര്‍ ലോകകപ്പ് വിജയിച്ച ഇന്ത്യന്‍ ടീമിലെ ബൗളര്‍ വിക്കി ഒസ്ട്വാൽ ആണ് ടീമിലേക്ക് വരുന്ന മറ്റൊരു താരം. 20 ലക്ഷമാണ് വിക്കിയ്ക്ക് ലേലത്തിൽ ലഭിച്ചത്.
