ഈ വർഷവും ബാലൻ ഡി ഓർ ഇല്ലാത്ത സങ്കടം ഫിഫാ ബെസ്റ്റ് നേടിക്കൊണ്ട് പോളിഷ് സ്ട്രൈക്കർ ലെവൻഡോസ്കി തീർത്തിരിക്കുകയാണ്. ലോകത്തെ ഏറ്റവും മികച്ച ഫുട്ബോൾ താരത്തിനുള്ള പുരസ്കാരമായ ഫിഫ ബെസ്റ്റ് തുടർച്ചയായ രണ്ടാം തവണയും ലെവൻഡോസ്കി സ്വന്തമാക്കിയിരിക്കുകയാണ്. മൊ സലായെയും ലയണൽ മെസ്സിയെയും മറികടന്നാണ് ലെവൻഡോസ്കി ലോക ഫുട്ബോളിന്റെ നെറുകയിലെത്തിയത്.
ലെവൻഡോസ്കിയുടെ കരിയറിലെ തന്നെ ഏറ്റവും മികച്ച സീസണായിരുന്നു അവസാന രണ്ടു സീസണിലേത്. ഇത്തവണ യൂറോപ്പിലെ ടോപ് സ്കോറർ ആയിരുന്നു ലെവൻഡോസ്കി. ബാലൻ ഡി ഓറിൽ ലെവൻഡോസ്കി മെസ്സിക്ക് പിറകിൽ പോയിരുന്നു. എന്നാൽ ഇന്ന് മെസ്സിയുടെ കോപയ്ക്കും മുകളിൽ ലെവൻഡോസ്കിയുടെ പ്രകടനത്തിനെ കണ്ടത് കൊണ്ട് ഈ പുരസ്കാരം പോളിഷ് സ്ട്രൈക്കർക്ക് ലഭിച്ചു.
