മേജർ ലീഗ് സോക്കറിൽ ബുധനാഴ്ച നടന്ന മത്സരത്തിൽ ലയണൽ മെസ്സിയും ലൂയിസ് സുവാരസും ഇന്റർ മയാമിക്കായി തിളങ്ങി. ഇരുവരും ഇന്ന് രണ്ട് ഗോളുകളും ഒപ്പം ഒരു അസൊസ്റ്റ് വീതവും നേടി. മയാമി ഇന്ന് 4-2 എന്ന സ്കോറിനാണ് മോൺട്രിയലിനെ തോൽപ്പിച്ചത്.
27-ാം മിനിറ്റിൽ മെസ്സി ഗോൾ നേടിയപ്പോൾ 68-ാം മിനിറ്റിൽ സുവാരസിൻ്റെ ഗോളിന് മെസ്സി അസിസ്റ്റ് നൽകി. 71-ാം മിനിറ്റിൽ സുവാരസ് രണ്ടാം ഗോൾ നേടി. 87-ാം മിനിറ്റിൽ മെസ്സി തൻ്റെ രണ്ടാം ഗോൾ കണ്ടെത്തി. ഡാൻ്റെ സീലി (74′), വിക്ടർ ലോട്ടൂരി (ഇഞ്ചുറി ടൈം) എന്നിവരിലൂടെ മോൺട്രിയൽ രണ്ട് ഗോളുകൾ തിരിച്ചടിച്ചെങ്കിലും അത് മതിയായിരുന്നില്ല.
നാല് മത്സരങ്ങളിൽ വിജയം നേടാനാകാത്ത അവസ്ഥയ്ക്ക് ശേഷമാണ് മയാമിയുടെ ഈ ജയം. ഈ വിജയത്തോടെ 15 മത്സരങ്ങളിൽ നിന്ന് 7 ജയവും 5 സമനിലയുമായി അവർ ഈസ്റ്റേൺ കോൺഫറൻസിൽ ആറാം സ്ഥാനത്തേക്ക് ഉയർന്നു. മോൺട്രിയൽ ഒരു ജയം മാത്രം നേടി അവസാന സ്ഥാനത്ത് തുടരുന്നു.
