ദക്ഷിണാഫ്രിക്കയ്ക്കെതിരെ വനിത ടി20 ലോകകപ്പ് സെമി ഫൈനലില്‍ 134 റണ്‍സ് നേടി ഓസ്ട്രേലിയ. ഇന്ന് നടന്ന മത്സരത്തില്‍ ടോസ് നേടിയ ദക്ഷിണാഫ്രിക്ക ബൗളിംഗ് തിരഞ്ഞെടുക്കുകയായിരുന്നു. 3 വിക്കറ്റുകളുമായി ദക്ഷിണാഫ്രിക്കന്‍ താരം നാദിന്‍ ഡി ക്ലെര്‍ക്ക് ആണ് ഓസ്ട്രേലിയന്‍ ബാറ്റിംഗ് ഓര്‍ഡറിന് തടയിട്ടത്. ക്യാപ്റ്റന്‍ മെഗ് ലാന്നിംഗ് പുറത്താകാതെ നേടിയ 49 റണ്‍സാണ് 5 വിക്കറ്റ് നഷ്ടത്തില്‍ ടീമിനെ 134 റണ്‍സിലേക്ക് എത്തിച്ചത്.
ബെത്ത് മൂണി(28), അലൈസ ഹീലി(18), റേച്ചല്‍ ഹെയ്‍ന്‍സ്(17) എന്നിവരാണ് മറ്റു പ്രധാന സ്കോറര്‍മാര്‍. ഇന്ത്യയ്ക്കെതിരെ ഫൈനലില്‍ എത്തുവാന്‍ ദക്ഷിണാഫ്രിക്ക 135 റണ്‍സാണ് നേടേണ്ടത്.
