ഇന്ത്യ-ദക്ഷിണാഫ്രിക്ക എ ടീമുകള്‍ തമ്മിലുള്ള മത്സരം റിസര്‍വ്വ് ഡേയിലേക്ക് നീട്ടിയെങ്കിലും തലേദിവസത്തെ കനത്ത മഴയും രാവിലെ പെയ്ത മഴയും എല്ലാം കാരണം മത്സരം ആരംഭിയ്ക്കുന്നത് വൈകിയെങ്കിലും ഇപ്പോള്‍ വെയില്‍ തെളിഞ്ഞ നിമിഷത്തില്‍ മത്സരം 1.15ന് പുനരാരംഭിക്കുമെന്നാണ് പ്രതീക്ഷിക്കപ്പെടുന്നത്. ആദ്യം ബാറ്റ് ചെയ്ത ദക്ഷിണാഫ്രിക്ക 25 ഓവറായി ചുരുക്കിയ മത്സരത്തില്‍ നിന്ന് 137 റണ്‍സ് നേടിയിരുന്നു.
ഇന്ത്യ 7.4 ഓവറില്‍ 56/1 എന്ന നിലയില്‍ നില്‍ക്കവേയാണ് മഴ കളി തടസ്സപ്പെടുത്തിയത്. 17.2 ഓവറില്‍ നിന്ന് 137 റണ്‍സാണ് ഇന്ത്യ വിജയിക്കാനായി നേടേണ്ടത്. 33 റണ്‍സുമായി ക്രീസില്‍ നില്‍ക്കുന്ന ശിഖര്‍ ധവാനിലാണ് ഇന്ത്യയുടെ പ്രതീക്ഷ.
