ലോക ബോക്സിംഗില്‍ എട്ട് ലോക ചാമ്പ്യന്‍ഷിപ്പ് മെഡലുകള്‍ നേടുന്ന ഏക താരമെന്ന റെക്കോര്‍ഡിന് അര്‍ഹയായി ഇന്ത്യയുടെ ബോക്സിംഗ് ഇതിഹാസം മേരി കോം. പുരുഷ വനിത താരങ്ങളില്‍ ഇതുവരെ മറ്റാര്‍ക്കും എത്തിപ്പിടിക്കുവാന്‍ സാധിക്കാത്ത നേട്ടമാണ് താരം സ്വന്തമാക്കിയിട്ടുള്ളത്. നിലവിലെ ഒളിമ്പിക്സ് മെഡല്‍ ജേതാവായ ഇന്‍ഗ്രിറ്റ് വലന്‍സിയയെ ഏകപക്ഷീയമായ സ്കോറിന് (5-0) എന്ന സ്കോറിന് പരാജയപ്പെടുത്തിയാണ് ലോക ബോക്സിംഗ് ചാമ്പ്യന്‍ഷിപ്പിലെ വനിത വിഭാഗത്തില്‍ ഇന്ത്യയുടെ മെഡല്‍ ഉറപ്പിക്കുവാന്‍ മേരി കോമിന് സാധിച്ചത്.
51 കിലോ വിഭാഗത്തിലാണ് മേരി കോം മത്സരിക്കുന്നത്.
