അവസാന കുറേ സീസണുകളിലായി ഐ എസ് എല്ലിലെ പ്രധാന മുഖമായ മാർസെലീനോ തിരികെ ഐ എസ് എല്ലിൽ എത്തി. താരത്തെ നോർത്ത് ഈസ്റ്റ് യുണൈറ്റഡ് സ്വന്തമാക്കിയതായി അറിയിച്ചു. ഐ ലീഗ് ക്ലബായ രാജസ്ഥാൻ യുണൈറ്റഡ് മാർസെലീനീയുമായി കരാർ ധാരണയിൽ ആവുകയും താരം അവർക്ക് ഒപ്പം പരിശീലനം ആരംഭിക്കുകയും ചെയ്തിരുന്നു. അവിടെ നിന്ന് രാജസ്ഥാനായി ഒരു കളി പോലും കളിക്കാതെയാണ് താരം നോർത്ത് ഈസ്റ്റിലേക്ക് എത്തുന്നത്.
രാജസ്താൻ യുണൈറ്റഡ് നേരിടുന്ന പ്രശ്നങ്ങൾ ആണ് മാർസെലീനോ അവിടം വിടാനുള്ള കാരണം എന്നാണ് അറിയുന്നത്. ബ്രസീലിലെ സെക്കൻഡ് ഡിവിഷൻ ക്ലബായ തൊബതെയിൽ കളിക്കുക ആയിരുന്നു മാർസെലീനോ. അവസാനമായി എ ടി കെ മോഹൻ ബഗാന് വേണ്ടിയാണ് മാർസെലീനോ ഐ എസ് എല്ലിൽ കളിച്ചത്. ഒഡീഷ വിട്ട് കഴിഞ്ഞ സീസൺ പകുതിക്ക് ആയിരുന്നു മാർസെലീനോ ബഗാനിൽ എത്തിയത്.
Marcelinho is now a Highlander! 🔴⚪⚫@marcelinholeite#StrongerAsOne #TogetherWeAreInfinite pic.twitter.com/Vu9PblTMoy
— NorthEast United FC (@NEUtdFC) January 14, 2022
ഐ എസ് എല്ലിൽ മികച്ച പ്രകടനങ്ങൾ നടത്തിയിട്ടുണ്ട് എങ്കിലും അവസാന രണ്ട് സീസണുകൾ മാർസെലീനോയ്ക്ക് അത്ര നല്ലതായിരുന്നില്ല. 2016ൽ ഡെൽഹി ഡൈനാമോസിലൂടെ ആയിരുന്നു മാർസെലീനോ ആദ്യമായി ഇന്ത്യയിൽ എത്തിയത്. ആ സീസണിൽ ഗോൾഡൻ ബൂട്ട് സ്വന്തമാക്കാൻ താരത്തിനായിരുന്നു. അതിനു ശേഷം പൂനെ സിറ്റി, ഹൈദരാബാദ് എന്നിവർക്കായും കളിച്ചു. ഐ എസ് എല്ലിൽ 33 ഗോളുകളും 18 അസിസ്റ്റും മാർസെലോയുടെ പേരിൽ ഉണ്ട്.
