നൈജീരിയൻ സ്ട്രൈക്കർ വിക്ടർ ഓസിമെൻ മാഞ്ചസ്റ്റർ യുണൈറ്റഡിലേക്ക് ചേരാൻ അതിയായി ആഗ്രഹിക്കുന്നതായി റിപ്പോർട്ടുകൾ. താരത്തെ സ്വന്തമാക്കാനുള്ള തന്ത്രങ്ങൾ യുണൈറ്റഡ് മെനയുന്നതിനിടെ, 75 മില്യൺ യൂറോയുടെ റിലീസ് ക്ലോസ് മുഴുവനായി ലഭിക്കണമെന്ന നിലപാടിലാണ് നാപോളി സി.ഇ.ഒ. ഔറേലിയോ ഡി ലോറന്റീസ്. ഈ നീക്കത്തിൽ ജോസ്വാ സിർക്സിയെ ഒരു കൈമാറ്റത്തിന്റെ ഭാഗമാക്കാൻ മാഞ്ചസ്റ്റർ യുണൈറ്റഡ് പരിഗണിക്കുന്നുണ്ടെന്നും സൂചനയുണ്ട്.
അടുത്തിടെ സൗദി പ്രോ ലീഗ് ക്ലബ്ബായ അൽ ഹിലാലിന്റെ വൻ ഓഫർ ഓസിമെൻ നിരസിച്ചിരുന്നു. യൂറോപ്പിൽ തന്നെ തുടരാനുള്ള താരത്തിന്റെ ആഗ്രഹം മാഞ്ചസ്റ്റർ യുണൈറ്റഡിന് വലിയ പ്രതീക്ഷ നൽകുന്നുണ്ട്. കഴിഞ്ഞ സീസണിൽ ഗലാറ്റസറേയിൽ ലോൺ അടിസ്ഥാനത്തിൽ കളിച്ച ഓസിമെൻ 30 മത്സരങ്ങളിൽ നിന്ന് 26 ഗോളുകൾ നേടി മികച്ച ഫോം നിലനിർത്തിയിരുന്നു. പ്രീമിയർ ലീഗിൽ കളിക്കുക എന്നത് തന്റെ ഒരു സ്വപ്നമാണെന്ന് ഓസിമെൻ നേരത്തെ വെളിപ്പെടുത്തിയിട്ടുണ്ട്.
റിലീസ് ക്ലോസ് തുക ഒരു വെല്ലുവിളിയാണെങ്കിലും, ഓസിമെനെ ടീമിലെത്തിക്കാൻ യുണൈറ്റഡ് താൽപ്പര്യം കാണിക്കുന്നത് ആക്രമണനിര ശക്തിപ്പെടുത്താൻ വേണ്ടിയാണ്. ഫോമിൽ ഇല്ലാത്ത ഹൊയ്ലുണ്ടിന് പകരം ഒരു സ്ട്രൈക്കറെ യുണൈറ്റഡ് അന്വേഷിക്കുന്നുണ്ട്.
