ക്രിക്കറ്റ് അന്താരാഷ്ട്ര ഭൂപടത്തില്‍ ഇടം പിടിക്കാനൊരുങ്ങി ലക്നൗ. വിന്‍ഡീസ് പരമ്പരയ്ക്കിടെ ടി20 മത്സരത്തിനു ആതിഥ്യം വഹിക്കുന്നതോടെയാണ് ലക്നൗവും അന്താരാഷ്ട്ര ക്രിക്കറ്റില്‍ സജീവമാകുവാന്‍ പോകുന്നത്. നവംബര്‍ 6നു നടക്കുന്ന രണ്ടാം ടി20 മത്സരത്തിലാവും ലക്നൗ ഇന്ത്യ-വിന്‍ഡീസ് പരമ്പരയില്‍ വേദിയാവുക. രണ്ട് ടെസ്റ്റും അഞ്ച് ഏകദിനങ്ങളും മൂന്ന് ടി20 മത്സരങ്ങളുമാണ് വിന്‍ഡീസ് ഇന്ത്യയില്‍ കളിക്കുക.
ഇന്ന് ബിസിസിഐ മത്സരങ്ങളുടെ പൂര്‍ണ്ണ ഫിക്സ്ച്ചറുകള്‍ പുറത്ത് വിടുകയായിരുന്നു.
ടെസ്റ്റ് മത്സരങ്ങള്‍: ഒക്ടോബര്‍ നാല് – രാജ്കോട്ട്, ഒക്ടോബര്‍ 12 ഹൈദ്രാബാദ്
ഏകദിനങ്ങള്‍ – ഒക്ടോബര്‍ 21 – ഗുവഹാട്ടി, ഒക്ടോബര്‍ 24 – ഇന്‍ഡോര്‍, ഒക്ടോബര്‍ 27 – പൂനെ, ഒക്ടോബര്‍ 29 – മുംബൈ, നവംബര്‍ 1 – തിരുവനന്തപുരം
ടി20 മത്സരങ്ങള്‍: നവംബര്‍ 4 – കൊല്‍ക്കത്ത, നവംബര്‍ 6 -ലക്നൗ, നവംബര്‍ -11 ചെന്നൈ
