കെഎൽ രാഹുൽ എം. ചിന്നസ്വാമി സ്റ്റേഡിയത്തിൽ തകർപ്പൻ ബാറ്റിംഗ് പ്രകടനത്തിലൂടെ ഡൽഹി ക്യാപിറ്റൽസിന് റോയൽ ചലഞ്ചേഴ്സ് ബാംഗ്ലൂരിനെതിരെ ആറ് വിക്കറ്റിൻ്റെ തകർപ്പൻ വിജയം സമ്മാനിച്ചു. ഈ ഗ്രൗണ്ടിൽ കരിയറിൻ്റെ ആദ്യകാലം ചെലവഴിച്ച താരം 53 പന്തിൽ പുറത്താകാതെ 93 റൺസ് നേടി യാഷ് ദയാലിൻ്റെ പന്തിൽ കൂറ്റൻ സിക്സറിലൂടെ വിജയം ഉറപ്പിച്ചു.
തുടർന്ന് വൈറലായ ഒരു ആഘോഷമാണ് കണ്ടത് – രാഹുൽ ക്രിസ്റ്റ്യാനോ റൊണാൾഡോയുടെ ഐക്കണിക് “കാൽമ” (calma -) ആംഗ്യം കാണിച്ചു, ആത്മവിശ്വാസവും ആധിപത്യവും പ്രകടമാക്കി, അതിനുശേഷം പിച്ചിന് സമീപം തൻ്റെ സ്ഥലം അടയാളപ്പെടുത്തി. ആർസിബി ജേഴ്സിയിൽ തിളങ്ങിയ സ്റ്റേഡിയത്തിൽ തനിക്ക് വീണ്ടും ‘വീട്ടിലെത്തിയ’ അനുഭവം ഉണ്ടായെന്ന് രാഹുൽ പറഞ്ഞു.
നാലാം നമ്പറിൽ ബാറ്റ് ചെയ്യാനെത്തിയ രാഹുൽ ഡൽഹി 10 ന് 2 എന്ന നിലയിൽ തകർന്നപ്പോഴാണ് ക്രീസിലെത്തിയത്. തുടക്കത്തിലെ സമ്മർദ്ദത്തെയും ആർസിബി ക്യാപ്റ്റൻ രജത് പാട്ടിദാറിൻ്റെ ഒരു ക്യാച്ച് നഷ്ടപ്പെടുത്തിയതിനെയും അതിജീവിച്ച് രാഹുൽ ക്ഷമയോടെ ഇന്നിംഗ്സ് കെട്ടിപ്പടുക്കുകയും പിന്നീട് തൻ്റെ തനതായ ശൈലിയിലേക്ക് മാറുകയും ചെയ്തു.
ജോഷ് ഹേസൽവുഡിൻ്റെ ഒരോവറിൽ 22 റൺസ് നേടി. 37 പന്തിൽ അർദ്ധസെഞ്ചുറി നേടിയ താരം പിന്നീട് അതിവേഗം സ്കോർ ചെയ്തു, ഇന്നിംഗ്സിൽ 7 ഫോറുകളും 6 സിക്സറുകളും ഉൾപ്പെടുന്നു.
“ഇതെൻ്റെ ഗ്രൗണ്ടാണ്, എൻ്റെ വീടാണ്. മറ്റാരെക്കാളും എനിക്കിതിനെക്കുറിച്ച് അറിയാം.” മത്സര ശേഷം രാഹുൽ പറഞ്ഞു.
വീഡിയോ:
Local boy. Big stage. Statement made.
How good was Bengaluru’s KL Rahul against RCB tonight?
Next up on #IPLonJioStar 👉 CSK 🆚 KKR | FRI 11 APR, 6:30 PM LIVE on SS 1, SS 1 Hindi & JioHotstar! pic.twitter.com/wus2jEwNGv
— Star Sports (@StarSportsIndia) April 10, 2025
