റഷ്യൻ ലോകകപ്പിൽ നിന്നും സ്പെയിന്റെ പുറത്താകൽ ലോകമെമ്പാടുമുള്ള ഫുട്ബോൾ ആരാധകരെ ഞെട്ടിച്ചിരിക്കുകയാണ്. പെനാൽറ്റി ഷൂട്ടൗട്ടിൽ സ്പെയ്നെ അട്ടിമറിച്ച് റഷ്യയാണ് ക്വാർട്ടർ ഫൈനലിൽ കടന്നത്. സ്പെയിനിന്റെ ലോകകപ്പിൽ നിന്നുള്ള പുറത്താകൽ തന്റെ കരിയറിലെ ഏറ്റവും മോശം ദിവസമാണെന്ന് തുറന്നു പറഞ്ഞിരിക്കുകയാണ് സ്പാനിഷ് താരം ഇസ്കോ. മത്സരശേഷം ഇൻസ്റാഗ്രാമിലാണ് അദ്ദേഹം മനസ് തുറന്നത്. കൊക്കെ, ആസ്പാസ് എന്നിവരുടെ പെനാൽറ്റി കിക്ക് തടഞ്ഞ അകിൻഫെവിന്റെ പ്രകടനമാണ് സ്പെയിനിനു ലോകകപ്പിന്റെ പുറത്തേക്കുള്ള വഴി കാട്ടിയത്.
സ്പാനിഷ് ടീം പന്ത് കയ്യിൽ വെക്കാൻ മാത്രം ശ്രമിച്ചപ്പോൾ ഗോൾ അകന്നു നിന്നു. മധ്യനിരതാരമായ ഇസ്കോ മികച്ച പ്രകടനം കാഴ്ച വെച്ചെങ്കിലും മികച്ച ആക്രമണ നിരയുടെ അഭാവം കാരണം ലോകകപ്പിൽ നിന്നും പുറത്ത് പോകാനായിരുന്നു വിധി. ഇസ്കോയ്ക്ക് പിന്തുണയുമായി ആരാധകരും ഫുട്ബോൾ താരങ്ങളും എത്തി. ലോകകപ്പിലെ ഇസ്കോയുടെ പ്രകടനം രാജയഭേദമന്യേ എല്ലാവരും അംഗീകരിഛ്ച്ചു കഴിഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
