നാലാമത് ഏഷ്യൻ പാരാ ഗെയിംസിന്റെ രണ്ടാം ദിനം ഇന്ത്യ മികച്ച രീതിയിൽ തുടങ്ങി. കാനോ വനിതാ കെഎൽ2 ഇനത്തിൽ ഇന്ത്യയുടെ പ്രാചി യാദവ് സ്വർണം നേടി. വനിതാ VL2 ഫൈനലിൽ ഇന്നലെ പ്രാചി വെള്ളി നേടിയിരുന്നു. ഇന്നലെ ഒരു സെക്കൻഡിന്റെ വ്യത്യാസത്തിൽ ആയിരുന്നു അവർക്ക് സ്വർണ്ണം നഷ്ടപ്പെട്ടത്. എന്നാൽ ഇന്ന് അവർ സ്വർണ്ണം ഉറപ്പിച്ചു.
വനിതകളുടെ KL2 ഇനത്തിൽ 54.962 സെക്കൻഡിൽ ഫിനിഷ് ചെയ്താണ് ഒന്നാമതെത്തിയത്. ചൈനയുടെ ഷാൻഷാൻ വാങ് 55.674 സെക്കൻഡിൽ വെള്ളി മെഡൽ നേടി. ഇറാന്റെ റോയ സോൾട്ടാനി 56.714 സെക്കൻഡിൽ വെങ്കലം നേടി. ഇന്ത്യയുടെ ഏഴാൻ സ്വർണ്ണ മെഡൽ ആണ് ഇത്.
