കോമൺവെൽത്ത് ഗെയിംസ് പുരുഷ വിഭാഗം ടേബിള് ടെന്നീസ് ടീം വിഭാഗത്തിൽ നിലവിലെ ചാമ്പ്യന്മാരായ ഇന്ത്യ ഫൈനലില്. ലോക റാങ്കിംഗിൽ 15ാം നമ്പര് താരമായ നൈജീരിയയുടെ ക്വാഡ്രി അരുണയെ ശരത് കമാൽ തോല്പിച്ചത് ഈ മത്സരത്തിലെ വലിയ നേട്ടം ആണ്. 3-1 എന്ന സ്കോറിനായിരുന്നു ശരത്തിന്റെ വിജയം.
ഇന്ത്യ 3-0 എന്ന സ്കോറിനാണ് വിജയം കരസ്ഥമാക്കിയത്. ആദ്യ മത്സരത്തിൽ ഡബിള്സിൽ ഹര്മീത് ദേശായി – സത്യന് ജ്ഞാനശേഖരന് കൂട്ടുകെട്ട് അനായാസ വിജയം നേടിയിരുന്നു. മൂന്നാം മത്സരമായ സിംഗിള്സിൽ സത്യന് ജ്ഞാനശേഖരന് 3-1ന് വിജയം കരസ്ഥമാക്കി.
