മുംബൈയിൽ ഓസ്ട്രേലിയയ്ക്കെതിരെയുള്ള ഏക ടെസ്റ്റ് വിജയിക്കുവാന് ഇന്ത്യ നേടേണ്ടത് 75 റൺസ്. 233/5 എന്ന നിലയിൽ നാലാം ദിവസം ബാറ്റിംഗ് ആരംഭിച്ച ഓസ്ട്രേലിയയെ 261 റൺസിന് ഇന്ത്യ എറിഞ്ഞിടുകയായിരുന്നു. സ്നേഹ് റാണ നാലും രാജേശ്വരി ഗായക്വാഡ്, ഹര്മ്മന്പ്രീത് കൗര് എന്നിവര് രണ്ട് വീതം വിക്കറ്റും നേടിയാണ് ഓസ്ട്രേലിയയെ ഓള്ഔട്ട് ആക്കിയത്.
73 റൺസ് നേടിയ താഹ്ലിയ മഗ്രാത്ത് ആണ് ഓസ്ട്രേലിയയുടെ രണ്ടാം ഇന്നിംഗ്സിലെ ടോപ് സ്കോറര്. എൽസെ പെറി 33 റൺസ് നേടി. നേരത്തെ ഓസ്ട്രേലിയയുടെ ആദ്യ ഇന്നിംഗ്സ് 219 റൺസിൽ അവസാനിച്ചപ്പോള് ഇന്ത്യ തങ്ങളുടെ ഒന്നാം ഇന്നിംഗ്സിൽ 406 റൺസാണ് നേടിയത്.
