ആന്‍ഡ്രേ റസ്സലിനെതിരെ ഐപിഎലില്‍ പന്തെറിയേണ്ടതില്ലെന്നത് ഏറെ ആശ്വാസകരമായ കാര്യമാണെന്ന് കൊല്‍ക്കത്ത നൈറ്റ് റൈഡേഴ്സില്‍ റസ്സലിന്റെ സഹതാരമായ ലോക്കി ഫെര്‍ഗൂസണ്‍. സണ്‍റൈസേഴ്സ് ഹൈദ്രാബാദിനെതിരെ അവിശ്വസനീയമായ തിരിച്ചുവരവ് നടത്തുവാന്‍ കൊല്‍ക്കത്തയെ സഹായിച്ചത് ആന്‍ഡ്രേ റസ്സലിന്റെ വെടിക്കെട്ട് പ്രകടനമായിരുന്നു. 19 പന്തില്‍ നിന്ന് 49 റണ്‍സ് നേടി റസ്സലാണ് ഏതാനും ഓവറുകള്‍ക്കുള്ളില്‍ കളി മാറ്റി മറിച്ചത്.
താനിതുവരെ വ്യക്തിപരമായി കണ്ടിട്ടില്ലാത്തൊരു ഇന്നിംഗ്സായിരുന്നു അത്. അവിശ്വസനീയം. റസ്സല്‍ എന്റെ ടീമിലുള്ളതെന്നത് എന്നെ വളരെ ആഹ്ലാദഭരിതനാക്കുന്നു, കാരണം എനിക്ക് അദ്ദേഹത്തിനെതിരെ പന്തെറിയേണ്ടതില്ല.
