എ ടി കെ മോഹൻ ബഗാന്റെ മധ്യനിര താരം പ്രൊണായ് ഹൽദർ ജംഷദ്പൂർ എഫ് സിയിലെ ലോൺ പൂർത്തിയാക്കി മോഹൻ ബഗാനിലേക്ക് തന്നെ തിരികെ പോകും. ജംഷദ്പൂർ താരത്തെ സ്ഥിര കരാറിൽ സൈൻ ചെയ്യും എന്നാണ് വിചാരിച്ചിരുന്നത് എങ്കിലും അത് നടക്കില്ല. 2018 മുതൽ എ ടി കെക്ക് ഒപ്പമുള്ള താരമാണ് പ്രണോയ്. താരം ഈ സീസണിലാണ് ലോണിൽ ജംഷദ്പൂരിലേക്ക് എത്തിയത്. മോഹൻ ബഗാനിൽ താരം തുടരുമോ അതോ മറ്റു ക്ലബിലേക്ക് പോകുമോ എന്നത് വ്യക്തമല്ല.
കഴിഞ്ഞ സീസണിൽ ജംഷദ്പൂരിനായി 14 മത്സരങ്ങൾ കളിച്ചിരുന്നു. ഐ എസ് എല്ലിൽ ഇതുവരെ 78 മത്സരങ്ങൾ കളിച്ചിട്ടുണ്ട്. ടാറ്റ ഫുട്ബോൾ അക്കാദമിയിലൂടെ വളർന്നു വന്ന താരം ഇന്ത്യൻ യുവടീമായ ആരോസിനു വേണ്ടി മുമ്പ് കളിച്ചിട്ടുണ്ട്. ഡെമ്പോയ്ക്ക് വേണ്ടിയും ഐ ലീഗ് കളിച്ചിട്ടുണ്ട്. എഫ് സി ഗോവ, മുംബൈ സിറ്റി എന്നിവരെ പ്രതിനിധീകരിച്ച് ഐ എസ് എല്ലിലും കളിച്ചിട്ടുണ്ട്.
