ആഴ്ചകൾ നീണ്ടു നിന്ന ചർച്ചകൾക്ക് ശേഷം സ്പോർട്ടിങ് ലിസ്ബണും ആയി സ്വീഡിഷ് മുന്നേറ്റനിര താരത്തെ സ്വന്തമാക്കുന്ന കാര്യത്തിൽ ധാരണയിൽ എത്തി ആഴ്സണൽ. താരത്തിന്റെ വിലയുടെ കാര്യത്തിൽ പോർച്ചുഗീസ് ക്ലബ് നടത്തിയ വിട്ടു വീഴ്ച ഇല്ലാത്ത നയങ്ങൾ ആണ് കാര്യങ്ങൾ ഇത്രത്തോളം നീട്ടിയത്. നിലവിൽ താരത്തെ 63.5 മില്യൺ യൂറോക്ക് ഒപ്പം 10 മില്യൺ യൂറോ ആഡ് ഓണിനു ആണ് താരത്തെ ഇംഗ്ലീഷ് ക്ലബ് സ്വന്തമാക്കുക. നിലവിൽ ചർച്ചകൾ അവസാന ഘട്ടത്തിൽ ആണെന്ന് ദ അത്ലറ്റിക് റിപ്പോർട്ടർ ഡേവിഡ് ഓർസ്റ്റെയിൻ റിപ്പോർട്ട് ചെയ്തു.
അതേസമയം താരത്തിന്റെ ആഴ്സണൽ സ്വന്തമാക്കുന്ന കാര്യത്തിൽ ഉറപ്പ് പറഞ്ഞ ഫബ്രീസിയോ റൊമാനോ ആഴ്സണലിന്റെ അവസാന ഓഫർ സ്പോർട്ടിങ് സ്വീകരിച്ചത് ആയി റിപ്പോർട്ട് ചെയ്തു. ഡീൽ നടക്കാൻ ആയി ഗ്യോകെറസിന്റെ ഏജന്റ് കമ്മീഷൻ വേണ്ടെന്ന് വെച്ചിട്ടുണ്ട്. സ്പോർട്ടിങ് നൽകാനുള്ള വേതനത്തിൽ ഒരു വിഹിതം സ്വീഡിഷ് താരവും വേണ്ടെന്ന് വെച്ചിരുന്നു. മുൻ സ്പോർട്ടിങ് പരിശീലകൻ റൂബൻ അമോറിനിന്റെ മാഞ്ചസ്റ്റർ യുണൈറ്റഡ് മറ്റു ക്ലബുകൾ താൽപ്പര്യം കാണിച്ചിരുന്നു എങ്കിലും ആഴ്സണലിൽ മാത്രമെ ചേരുകയുള്ളു എന്ന നിലപാട് ഗ്യോകെറസ് എടുക്കുക ആയിരുന്നു. 5 വർഷത്തെ കരാർ ആവും ആഴ്സണലിൽ സ്വീഡിഷ് താരം ഒപ്പ് വെക്കുക.
