കേരള ബ്ലാസ്റ്റേഴ്സിന് ആദ്യ പരാജയം

ഐ എസ് എൽ ഡെവലപ്മെന്റ് ലീഗിൽ കേരള ബ്ലാസ്റ്റേഴ്സിന് ആദ്യ പരാജയം. തുടർച്ചയായ നാല് വിജയങ്ങൾക്ക് ശേഷം ഇന്ന് എഫ് സി ഗോവയെ നേരിട്ട കേരള ബ്ലാസ്റ്റേഴ്സ് ഒന്നിനെതിരെ മൂന്ന് ഗോളുകൾക്കാണ് പരാജയപ്പെട്ടത്. തുടക്കത്തിൽ ഒരു ഗോളിന് മുന്നിൽ നിന്ന ശേഷമായിരുന്നു കേരള ബ്ലാസ്റ്റേഴ്സിന്റെ പരാജയം. നിഹാൽ ആണ് 30ആം മിനുട്ടിൽ ഒരു ഹെഡറിലൂടെ ലീഡ് നൽകിയത്. കഴിഞ്ഞ മത്സരത്തിൽ ഇരട്ട ഗോളുകൾ നേടിയ നിഹാലിന്റെ മൂന്നാം ഗോളായി ഇത്.

Img 20220504 202352
ആദ്യ പകുതിയിൽ തന്നെ ജോവിയൽ ഡിയസ് എഫ് സി ഗോവക്ക് സമനില നൽകി. ജോവിയലും ബ്രിസണും രണ്ടാം പകുതിയുടെ അവസാനം ഗോൾ നേടിയതോടെ ഗോവ വിജയം ഉറപ്പിച്ചു. ഒരു വിജയം കൂടെ നേടിയിരുന്നു എങ്കിൽ കേരള ബ്ലാസ്റ്റേഴ്സിന് നെക്സ്റ്റ് ജെൻ കപ്പിന് യോഗ്യത നേടാമായിരുന്നു. ഈ പരാജയം കേരളത്തിന്റെ ഐ എസ് എൽ ഡെവലപ്മെന്റ് കിരീട പ്രതീക്ഷയ്ക്ക് തിരിച്ചടിയാണ്‌.