ബാഴ്‌സലോണയുടെ പോർച്ചുഗീസ് പ്രതിരോധതാരം നെൽസൺ സെമെഡോയെ നോട്ടമിട്ട് യൂറോപ്പ്യൻ ക്ലബ്ബുകൾ. ബാഴ്‌സയുടെ റൈറ്റ് ബാക്കിനായി ഇറ്റാലിയൻ, പ്രീമിയർ ലീഗ് ടീമുകളാണ് രംഗത്തെത്തിയിരിക്കുന്നത്. രണ്ടു സീസണുകൾക്ക് മുൻപാണ് ബെൻഫിക്കയിൽ നിന്നും സെമെടോ ബാഴ്‌സലോണയിൽ എത്തുന്നത്. എന്നാൽ ആദ്യ ടീമിൽ ഇടം നേടുകയെന്നത് പോർച്ചുഗീസ് താരത്തിന് ശ്രമകരമായ ജോലിയായിരുന്നു. സെർജി റോബെർട്ടോയ്ക്ക് പകരക്കാരനായിട്ടായിരുന്നു ആദ്യ ഇലവനിൽ പലപ്പോളും ഈ യുവതാരം.
ഇറ്റലിയിൽ ഇന്റർ മിലാനും യുവന്റസും തങ്ങളുടെ പ്രതിരോധത്തെ ശക്തിപ്പെടുത്താൻ ശ്രമിക്കുന്നതിനിടെയിലാണ് ഈ വാർത്ത വരുന്നത്. ഗ്രീസ്മാനെയും ഡി ലൈറ്റിനെയും ടീമിലെത്തിക്കാൻ ബാഴ്‌സ ശ്രമിച്ചു കൊണ്ടിരിക്കുകയാണ്. അതുകൊണ്ടു തന്നെ ബാഴ്‌സയിൽ നിന്നും ഈ പ്രതിരോധ താരത്തെ സ്വന്തമാക്കാനാണ് യൂറോപ്പ്യൻ എലൈറ്റ്‌സിന്റെ ശ്രമം. പോർച്ചുഗീസ് യൂത്ത് ടീമിലും സീനിയർ ടീമിനൊപ്പം കോൺഫെഡറേഷൻ കപ്പിലും സെമെടോ കളിച്ചിട്ടുണ്ട്.
